第四屆(2026)王育霖詩人檢察官台語詩徵文比賽

提倡每年3月14 chiâⁿ做台灣詩人節
投稿期限12/31/2025。歡迎投稿! Hoan-gêng tâu-kó!

王育霖於1919年tī台南出世，是出名ê台語博士kap台獨運動者王育德教授ê兄哥。王育霖tī 1944年出任日本京都地方法院檢察官，是當時日本本土第一位台灣人檢察官。二戰結束了王育霖ūi-tio̍h beh報效祖國轉來台灣擔任新竹市檢察官。伊當時因為對貪汙ê中國國民黨籍新竹市長郭紹宗起訴，來得失外來中國蔣家政權，最後tī 1947年3月14去hō͘黨國便衣人員chhōa走了，chiū ùi這ê世間完全消失。聽講王育霖tī當年ê 3月底hông銃殺，屍體chiū phiaⁿ tiàm淡水河。一直到taⁿ中國國民黨，iáu是m̄-bat chiū這件代誌公開道歉，公布王育霖消失ê真相。王育霖m̄-nā是伸張正義ê檢察官，koh是一位真有才情ê詩人，mā是台灣歌謠ê愛好者。

王育霖ê小弟王育德相信「語言是民族的靈魂」，台語是台灣人ê靈魂！Ūi-tio̍h推廣台語、建立台語書寫ê標準化，王育德進入東京大學深造語言學koh the̍h tio̍h博士學位。他終其尾ê目的chiū是beh hō͘台語chiâⁿ做台灣國ê國語。雖bóng阿兄王育霖kan-ta 28歲chiū hông陷害過身，但是小弟王育德傳承阿兄公平正義ê精神，一世人ūi台語文kap台灣建國拍拚。
Ūi-tio̍h beh推動ta̍k冬3月14台灣詩人節，感念王育霖詩人檢察官的ê文學才華kap正義行為，siâng時mā鼓勵少年人投入台灣民族母語「台語文」創作，咱特別辦理王育霖詩人檢察官台語詩徵文比賽。

詳細資訊請參閱活動網站 https://pen.de-han.org/314