2025台灣羅馬字文化節5月正式起鼓！

社團法人台灣羅馬字協會主辦ê年度「台灣羅馬字文化節」，固定tī ta̍k冬5月辦理系列活動。今年是巴克禮牧師來台150週年，koh有第一份台灣字報紙《台灣府城教會報》發行140週年。Ūi-tio̍h beh紀念巴克禮牧師tī台灣文字kap印刷史上ê重要貢獻，阮特別tī今年5月到12月規劃一系列豐富多元ê活動。

「2025台灣羅馬字文化節」包含導覽、競賽、展覽、學術研討會、文化論壇、文化紀念錢認捐等，一系列精采ê活動，等你來參加！

「2025台灣羅馬字文化節」系列活動放送

• 五月、六月：白話字文物史蹟導覽、巴克禮牧師來台150周年文化紀念錢認捐、台語微電影比賽、台灣&越南羅馬字文史資料展覽（tī台越文學館，預約制）、全國奧林匹克台語白話字文史競賽kap相關比賽。
• 八月：第26屆世界台語文化營（預定tī越南舉行）。
• 十月：第6屆台越人文比較國際研討會&第9屆台灣羅馬字研討會。
• 十一月：台語作家陳雷文學展（tī台越文學館，預約制）。
• 十二月：世界台灣文化論壇—世界文化賞頒賞典禮。

邀請所有關心台灣語言文化、歷史傳承ê朋友，來參加「2025台灣羅馬字文化節」。透過這一系列活動，深入認識白話字ê歷史價值kap當代意義，共同ūi台灣phah-piàⁿ！

詳細活動資訊、各場次時間地點kap報名方式，消息會發佈tī台灣羅馬字協會官方網站kap FB。

Nā有任何問題，請kap台羅會秘書處聯絡！
秘書處聯絡電話：06-2089803 Email: [email protected]