Ho̍at-tōng Soan-thôan

歡迎踴躍參加，做伙推拺台灣人的教師節!!

第三屆311台灣教師節電子賀卡設計比賽

活動詳細資訊(簡章) ： https://pen.de-han.org/311/

投稿連結：https://forms.gle/onuAc9FbttM7tZME7

林茂生教授(1887~1947)是台灣本土頭一个教育家，伊ê學問超過中國ê胡適，是當時台灣第一人。林茂生對日本東京帝國大學(chit-má ê東京大學)文學士kap美國哥倫比亞大學哲學博士畢業。林茂生以《日本統治下台灣的學校教育：其發展及有關文化之歷史分析與探討》ê博士論文，成做台灣第一位關心教育議題koh提tio̍h博士學位ê台灣人。林茂生教授一生熱心奉獻tī教育ê工課，前後tī長榮中學、台南師範學院、台南商業專門學校、台南高等工業學校、成功大學(koh擔任頭任圖館館館長10冬) hām 台灣大學等任教，受伊牽教ê學子生put-lí-á chē。林茂生thèng-hó講是台灣ê首席教育家。林茂生教授m̄-nā精通日文、英文、德文等外文，林茂生伊本身mā精通台語白話字，koh支持kap實踐台灣語文ê現代化、標準化甚至建構以台灣母語做基礎ê「台灣學」教育。可惜，chiah-nī優秀ê教育家soah tī 1947年3月11彼工遭受中國國民黨特務非法逮捕koh殺害。台灣羅馬字協會等本土社團thàu-kòe chit-ê 活動來chhui-sak每年3月11chiâⁿ做台灣教師節thang紀念林茂生教授對台灣教育ê貢獻。