Ho̍at-tōng Soan-thôan

為台灣受難 ê 林茂生先生，m̄-nā 是台灣第一個留美博士，提倡台灣白話文ê先行者，koh 用 kui 世人 ê 心力為台灣 ê 教育 kap 文化打拼。為著 chhui-sak 每年3月11台灣教師節 thang 表達對林茂生先生 ê siàu-liām，mā 鼓勵民眾表達對老師 ê 感謝。

關係林茂生:
林茂生教授(1887~1947)是台灣本土頭一个教育家，伊ê學問超過中國ê胡適，是當時台灣第一人。林茂生對日本東京帝國大學(chit-má ê東京大學)文學士kap美國哥倫比亞大學哲學博士畢業。林茂生以《日本統治下台灣的學校教育：其發展及有關文化之歷史分析與探討》ê博士論文，成做台灣第一位關心教育議題koh提tio̍h博士學位ê台灣人。林茂生教授一生熱心奉獻tī教育ê工課，前後tī長榮中學、台南師範學院、台南商業專門學校、台南高等工業學校、成功大學(koh擔任頭任圖館館館長10冬) hām 台灣大學等任教，受伊牽教ê學子生put-lí-á chē。林茂生thèng-hó講是台灣ê首席教育家。林茂生教授m̄-nā精通日文、英文、德文等外文，林茂生伊本身mā精通台語白話字，koh支持kap實踐台灣語文ê現代化、標準化甚至建構以台灣母語做基礎ê「台灣學」教育。可惜，chiah-nī優秀ê教育家soah tī 1947年3月11彼工遭受中國國民黨特務非法逮捕koh殺害。台灣羅馬字協會等本土社團thàu-kòe chit-ê 活動來chhui-sak每年3月11chiâⁿ做台灣教師節thang紀念林茂生教授對台灣教育ê貢獻。

活動詳細資訊：
https://pen.de-han.org/311
(欲知詳情，請上連結網頁報名，有更詳盡資料解說/參賽辦法)