一、目的:
為台灣受難ê林茂生教授,m̄ -nā是台灣第一個留美ê教育哲學博士、提倡台灣白話文ê先行者,koh用kui世人ê心力為台灣ê教育kap文化打拼。為著chhui-sak每年3月11台灣教師節thang表達對林茂生教授ê siàu-liām,mā鼓勵民眾表達對台灣老師ê感謝,特別辦理chit ê比賽。
☆為啥物阮推動每年3月11林茂生教授受難日為台灣教師節?
林茂生(1887/10/30~1947/3/11) tī台南chhut-sì,有八項世界第一ê紀錄:
第一位台灣人ùi日本東京大學文學士畢業。
第一位台灣人留學美國得著哲學博士學位。
第一位美國哥倫比亞大學杜威教授指導ê台灣學生。
第一位hām胡適是同學ê台灣人,lóng由杜威教授指導。
第一位tī成大教冊ê台灣籍教授,負責教英文hām德文。
第一位擔任成大圖書館館長,長達十年。
第一位以台灣教育議題做博士論文ê學者。
第一位以台語白話字創作台灣新文學ê台灣籍教授。
二、辦理單位:
(一)主辦:台灣羅馬字協會、國立成功大學台灣語文測驗中心
(二)協辦:台南市二二八關懷協會、台文筆會、國立成功大學台灣文學系、全民台語聖經協會、台灣教師聯盟、台灣教授協會、台灣社、台灣南社、台灣北社、台灣客社、台灣中社
三、徵選對象:一般民眾(無限年歲、無限國籍)。
四、獎勵辦法:取前三名,各1位,第一名獎金新台票31,100 kho͘、第二名獎金新台票22,800 kho͘、第三名獎金新台票10,300 kho͘。
收件方式:線頂投稿。
作品使用語言無限制,像講:台語、台灣客語、台灣原住民族語、華語、越南語、日語、英語……等,攏會使。台語羅馬字以傳統白話字、台灣字優先。